reflections

Archiv

really yummy cookies...=)

Heeey!!

Letscht wuche hets au bi uns gschneit^^
abr er isch scho wieder weg...

Mi trip nach chicago isch ebbe abgseit worde abr drfuer doerf i jetzt dr westcoast trip mache nach LA, Grand canyon, Las vegas, San Francisco etc. freuu mii meega

Negst Wuche hemmer FINALS das heisst mi hei i jedem fach e tescht ueber s ganze semester...

Huet gang i s erst mol mini naegel lo mache haha isch do mega billig...:P

Hmm suscht letscht wuche hemer wiehnachts gutzii backe...

muess jetzt goo, huet isch s geburtstags fescht vo minere sis...und si het 10 chinder iglade und die uebernachte alli doo!!! -.- (miis zimmer isch grad nebe dra, abr ich gang viellicht zunere kollegin go schlofe^^)

2 Kommentare 6.12.08 18:17, kommentieren

popcorn?

Am zischtig bin i krank gsii und ha mi tag dahei gnosse...uund am miittwuch hemer freii kha wills zviel iis und schnee uf de strosse kha het xD abr leider hemer am donnstig wieder ind schuel muesse-.-

Letscht wuchenend simmer an e party gange...sisch no recht luschtig gsii will em einte si brueder no cho isch mit sine kollege vom college...und dr einti het choenne feuer spucke also mir hend schoen warm kha

Hmm wien i au gmerkt ha sind do d mikrowelle bitzlii anderscht als unserii...naaja ich ha welle popcorn mache fuer mini schwestere...und ploetzlich isch im ganze zimmer rauch gsii haha okay die ganz popcorn packig het avo brenne...was ich natuerlich nid gwusst han isch das es e extra taschte git fuer popcorn wo denn genauu ufhoert wenns popcorn fertig isch xD mini gaschtmuetter het voll kriise becho wo si abe cho isch cho luege^^

naaja das wuchenend muess i fuer d abschlusspruefige lerne -.-
obwohl mir viellicht kei schnuel hei negst wuche weg em schnee und soo =)

uund denn am donnstig endlich feeeriiieeee.!!!

13.12.08 00:08, kommentieren

Merry Christmas!!

ookay...ooehm...d abschlusspruefige sind eigentlich no eifach gsii will alles multiplichoice gsii isch...usser paedagogik isch recht schwer gsii ha fascht kei wort verstande^^

Am donnstig also am letschte schueltag hemmer scho am halb 10nii us kha und mir sii denn zunere kollegin hei gange...
Mir hend zerscht z mittag gesse und denn sind au no die andere choo...und denn simmer in schnee use und si het e riiise garte und e fourwheeler und mir hend denn sone art surfbrett doert mitemene seil befestigt und si het uns denn umegfahre! s het recht spass gmacht abr ich bi fascht verfrore dorum bin ich inne gange go warmi schoggi drinke...zobe hend ca. 4 persone bi ihre uebernachtet und mir hend denn am 11 zobe no gfunde s wer luschtig in schnee zgo, mir hei denn abr no uf eini muesse warte wo vom cheerleading hei cho isch und bis si umzoge gsii isch hei mir e riise schneemaa baut =D
hmm denn simmer nomol go umefahre und das mol hemmer uns mega warm azoge...und sisch zimli luschtig gsii! Ich ha denn au mis erste Dr Pepper drunke was ganz okay gsii isch abr si sind bitz beleidigt gsii will si finde das ischs beschte soda wo me do cha ha...

Am negste Tag bini denn um die 2 hei gange und zobe simmer an es konzert vomene kolleg...
Isch denn abr scho am 10 fertig gsii dorum simmer no zunere kollegin go dvd luege abr die het e chline nervige brueder und mir hend denn eifach 2 stund mit dem gspielt..

Am samschtig simmer go Nutcracker ballet go luege...sisch no toll gsii abr d stuehl sind soo unbequem gsii^^ mir sii denn no go hot chocolate drinke wills so chalt gsii isch und mir hei muesse uf dr vater warte wo uns waer cho abhole. Won er denn endlich cho isch het er kei ahnig kha won ich wohn...er het nid mol d stadt richtig kennt...und bis ich denn mol dahei gsii bi ischs recht lang gange und ich het soette babysitte...joo bi denn 20 min zspot cho und mini eltere hend nid soo freud kha...

suscht die tag han i eigentlich nid viel gmacht user gestert bini go lunch esse mit mine kollege...und sisch sone BBQ restaurant gsii und ich han e salat gesse...und mi eint kolleg het gseit ich sig die erst won er gseh het wo e salat isst, nochherd han i denn gmerkt das wuerkli niemer e salat isst odr suscht oepis gsunds... nochdem simmer in e tattoo lade will die einti ihres piercing het welle wechsle und im erst moment hets mir scho bitz angst gmacht haha mir zu dritt alles so "tussis" fuer diie und denn doert inne alles so maenner mit tattoos und soo isch no recht witzig worde mit dene si hend die ganz ziit witz verzellt und soo..

joo und huet isch wiehnachtsobe...mir hend vorher gutzi backe fuer e santa...und huet zobe choeme no d grosseltere verbii...

Wuensch euch allne frohi wiehnachte und es guete rutsch is neue johr (:

1 Kommentar 24.12.08 21:00, kommentieren



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung