reflections

Archiv

Halloween

Am Mittwuch hemer film gluegt bim kolleg und spoeter bin i e winterjagge go kaufe will i keini mitgno han und s langsam kaelter wird doo^^

Hmm am donnstig obe isch football game gsii gege s andere schuelhuus und sisch e mega wichtige match gsii...naja mir hend gwunne abr z mittst im spiel hets e fight geh...und ich bi ganz normal doert gstande und ploetzlich gheit e typ vor mir uf e bode und denn chunnt e polizischt und gumpt so halb uf de druf...haha es isch mega komisch gsii vorallem will ich no nie gseh ha wie oeper verfolgt wird und de isch denn abgfuehrt worde und denn isch wieder rueh gsii und die hend alli so normal reagiert als wer das normal...abr jo sie hend denn gseit das es nid normal isch das oeper e waffe drbii het amene football game...also ich bii zimli schockiert gsii und eifach doert gstande has gar nid richtig realisiert wills eifach grad vor mir gsii isch...

 Am Fritig isch halloween gsii und eigentlich han i welle go trick and treat abr am schluss simmer nume is kino go saw 5 go luege und won i hei cho bii, isch niemer dahei gsii und sisch alles dunkel gsii omg ich ha so angst kha, vorallem han ich vorher no nie e horrorfilm im kino gluegt was no schlimmer isch als nume daheii...naaja ich has ueberlebt wobi mir huet wieder zumene haunted house goend...

 

1 Kommentar 1.11.08 19:23, kommentieren

the new presiden of the U.S

Am samschtig und sunntig bin i dr ganz tag nume dahei gsii und ha nuet gmacht^^
Usser am sunntig han i muesse go sache verkaufe fuer d schuel und mini gastschwester isch mit cho und sisch recht deprimierend gsii will jede gfrogt het vo wo das ich chum weg mim akzend-.-

Naaja die wuche han i eifach normal schuel gha und s einzige interessante isch gestert gsii, will dr neui president gwaehlt worde isch...
Es sind alli zimli unruhig gsii dr ganz tag und all mini kollege hend mich fertig gmacht will sie alli fuer e mccain gsii sind und ich nid...
Am nomitag han i mini schwestere muesse huette und wo mini mom hei cho isch het si vergesse das die kleine religionsunterricht heii und mir sii denn doert ahne gfahre hei se doert abglade sind witer zum drive-in hend oepis zum esse kauft hend im auto waehrend em fahre gaesse und sind churz oepis go shoppe damit mir denn wieder rechtziitig zrugg sind zum die 2 in dr kirche go abhole! es isch zimli stressig gsii!! haha
aabr ebbe womer heii cho sii hemer d wahle gluegt und ich bi denn irgendwenn eifach ins bett gange und ha doert witer fernseh gluegt...irgendwenn hei sii denn gseit das dr obama president isch und ich ha beruhigt choenne ischlofe...(am 2 am morge bin i ufgwache und im fernseh hend sii immer no uebere obama verzellt und dass isch die ganz nacht so witer gange...ich denk sie rede immer no ueber s gliche...)
abr jetzt isch das au endlich verbii...will sisch scho zimli muehsam worde mit all dem zueg...

Huet hemmer scho zum 2 mol i dere wuche e feueralarm kha und s muend alli use goo usw...es isch eigentlich ganz guet will so hemer kei schuel...^^ abr ich verstand nid wurum 2 mol i dr gliche wuche...ah jo und letscht wuche hemer sone uebig kha falls es mol oeper git wo mit dr waffe und so ind schuel chunnt haha ich weiss nie was e uebig isch odr was echt isch...

Hmm do gits sone band wo the jonas brothers heisst und die hend sones neus lied wo mini schwester liebt und ich bi so dumm gsii und has ihre uf dr gitarre vorgspielt und jetzt will sie die gaaanzii ziit uebe und moecht dass ich ihre das vorspiel damit sie drzue cha singe und denn seit sie die ganz zit wie guet sie isch und wie toll doch alles isch wo si macht..ich weiss dass sis nid ernst meint abr haallo!? so bin ich doch immer sie cha doch nid glich sii wien ich es goht nid das 2 persone im mittelpunkt stoende...=D haha jk
haha neii si isch mega herzig und sisch immer mega unterhaltsam mit dene beide...=P

 

1 Kommentar 5.11.08 17:13, kommentieren

whats going on?!

Ookay also am wuchenend han i wieder nuet gmacht und am mentig hemmer frei kha...am sunntig obe het mi mini mum gfrogt ob ich choennt babysitte am mentig und ich ha denkt isch easy si goend sowieso use go spiele...falsch gedacht! am viertel ab 6 am morge choemme si mi cho wecke, will si hunger heii!!
Ich mol wieder sozial gsii und bi ihne go z morge mache abr anstatt dass i wieder ha doerfe go schlofe han i muesse go spiele mit ihne...und das isch dr ganz tag so witer gange und ich ha meega buchweh kha und bi fast gstorbe abr das isch ihne so zimli egal gsii...
Am mittag han i denn kocht und sie hends nid welle esse wills gmues dine kha het, omg ich ha denn drfuer dopplet so viel gaesse wills wuerkli mega guet gsii isch^^ und am nomitag hemer denn 3 dvd gluegt...und gaaanz viel popcorn gesse xD

Do im radio lauft die ganz ziit wiehnachtsmusik...und sisch nid emol dezember lol...
sisch abr eigentlich no kuul...jetzt scho so voll in wiehnachtsstimmig zsii...=) in 3 wuche gang i nach chicagoo!!! freuu mi soo...endlich wieder mol e h&m....

13.11.08 00:55, kommentieren

Gobble gobble gobble...Turkey in the...lol

Ha scho lang nuem gschribe abr jetzt han i wieder mol ziit will mir die wuche freii heii^^

Vor 3 wuche bin i s Schuel Musical "Les Miserables" go luege...sisch meega guet gsii...mir heii zwar alli d helftii nid verstande abr si hei mega guet gsunge xD

Denn e wuche spoeter hemmer exchange night kha und hend doert mit anderne schueler drueber gredet ueber s ustuschjohr und soo...und s het 2 kha wo nach duetschland heii welle go abr jetzt wohrschinli ind schwiiz goend will ich ihne so viel druber verzellt han^^

Am Sunntig hemmer es treffe kha mit allne ustuschschueler und sind denn alli zaeme go shoppe=) und hend denn e kaffi spendiert becho...denn simmer zu mir heii gange und hend wiehnachtgutzi backe und denn no e dvd gluegt...

E Wuche spoeter isch Talentshow gsii und 2 us minere Klass hend doert mitgmacht...es isch schrecklich gsii niemer het wuerkli guet choenne singe haha naja isch abr recht unterhaltsam gsii^^

Am Mittwuch bin i mit dr Beth ind kirche gange will sone art jugendobe gsii isch und mir hend basketball gspielt und suscht Spieli gmacht spoeter hemer denn worship gha..und wie immer han i die meiste lieder nid kennt...bi abr denn mega gluecklich gsii won i endlich mol es Lied kennt ha^^ Haha ah joo am Nomitag het d Beth muesse ind Schuel go unterichte und ich bi denn mitgange und mir hend beidi no e stueck kueche becho will eine geburtstag kha het...denn hemmer ihri klei schwoester muesse go abhole und die isch ca. 4 johr alt..und si het unbedingt e glace welle also simmer eini go kaufe! Die isch abr zimli schnell gschmolze und ich ha se denn muesse hebe will si avo bruelle het...und sisch alles ueber mich glofe also hemmers us em autofenster ghebt! Haha womer bi ihre dahei gsii si hemmer gseh das s ganze auto uf dr site voll glace gsii isch! es isch soo witzig gsii abr mir heii denn alles muesse putze...

In dr Schuel hemmer in 3 Wuche es Chorkonzert und mir heii denn doerfe fuer solo vorsinge und ich ha eigentlich nid welle ha abr denn grad luscht kha zum singe (und grad e Apfel gesse kha lol) und ha denn halt au vorgsunge und sind alli mega ueberrascht gsii will ich vorher no nie vo dr ganze klass gsunge ha und naaja mir ischs eigentlich nid ums solo gange abr joo wuerd mi natuerlich au freue wenn is becho wuerd...mol luege!

Gestert isch thanks giving gsii und dr geburtstag vo minere gastsister...!
Ich ha ihre e schwiizerballon gschenkt und sii het abartig freud kha mir hen dr ganz tag mit em ballon muesse spiele!!
Am Nomitag sind denn 15 persone meh cho und mir hend alli meega viel gaesse und hend Football gluegt...
Genau am 7nii hend alli muesse go will mini Gastmuetter ihri lieblingssendig cho isch und si die immer am donnstig muess luege lol naja spoeter simmer denn no zum Plaza wo alles mit wiehnachtsbeluechtig isch und sisch gestert dr ersti Tag gsii wo sis agstellt heii...

Ah jo mi trip zu chicago isch abgseit worde... abr mir goend viellicht im fruehlig!^^

Die wuche hemmer ebe freii abr die meiste luet sind neume anders ahne gfahre also ischs zimli langwilig abr isch immer no besser als schuel

See ya

28.11.08 19:06, kommentieren



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung