reflections

Halloween

Am Mittwuch hemer film gluegt bim kolleg und spoeter bin i e winterjagge go kaufe will i keini mitgno han und s langsam kaelter wird doo^^

Hmm am donnstig obe isch football game gsii gege s andere schuelhuus und sisch e mega wichtige match gsii...naja mir hend gwunne abr z mittst im spiel hets e fight geh...und ich bi ganz normal doert gstande und ploetzlich gheit e typ vor mir uf e bode und denn chunnt e polizischt und gumpt so halb uf de druf...haha es isch mega komisch gsii vorallem will ich no nie gseh ha wie oeper verfolgt wird und de isch denn abgfuehrt worde und denn isch wieder rueh gsii und die hend alli so normal reagiert als wer das normal...abr jo sie hend denn gseit das es nid normal isch das oeper e waffe drbii het amene football game...also ich bii zimli schockiert gsii und eifach doert gstande has gar nid richtig realisiert wills eifach grad vor mir gsii isch...

 Am Fritig isch halloween gsii und eigentlich han i welle go trick and treat abr am schluss simmer nume is kino go saw 5 go luege und won i hei cho bii, isch niemer dahei gsii und sisch alles dunkel gsii omg ich ha so angst kha, vorallem han ich vorher no nie e horrorfilm im kino gluegt was no schlimmer isch als nume daheii...naaja ich has ueberlebt wobi mir huet wieder zumene haunted house goend...

 

1 Kommentar 1.11.08 19:23, kommentieren

Weekend!!! =)

ookay also am mittwuch und donnstig hemer nume bis am halb 11 schuel kha und bi denn immer zum kolleg hei gange und bi ihm hemer denn meistens video games gspielt...naja ab und zue han i denn doerfe s tanz game spiele will ich nid die ganz ziit ha welle anderii luet abschiesse usw.
haha ah jo er het 2 huend und wie jo alli wuesse han ich huend nid sooo gern...jedefalls isch er mit dene 2 boxerhuend zu mir cho und het mich zwunge mit ihne z rede und soo...ich ha soo angst gha will die eifach so gemein ussehn!
AAh joo und am fritig hemer gar kei schuel kha also simer mit em spanish club zum plaza und hend doert dr ganz tag verbrocht und zum zmittag simmer go mexikanisch esse...womer denn hei cho sii isch uns e kollegin cho abhole und mir si zu ihre heii...und si het mir nid gseit das si 5 riisigi huend het...!! die sind die ganz ziit zu mir cho will ich no dr gschmack vo de andere huend a mine schueh und hose gha han und dr einti isch so halb uf mich gumpt und er isch glich gross gsii wien ich eifach sone riise hund!! zum glueck simmer denn gange und mir si go high school musical 3 go luege...haha mini kollegin het avo bruelle und ich ha die ganz ziit glache wills eifach nur peinlich gsii isch mit all de kleine kinder im kino und mir mitte drin^^ naaja nach em film simmer in burger king und si het avo singe und alli hend uns agluegt abr sisch zimli witzig gsii...

Mir hend denn bi ihre uebernachtet und si het wie alli do in amerika e hund...und ich ha nid choenne schlofe will mir zu 5 i eim bett gsii sind und denn no de bloedi riisigi dog mit drzue!! bi denn froh gsii won i am samschtig hei cho bii und mii klei hund gseh han...=)

Zobe am samschtig simmer zumene mini haunted house was sone art geischterbahn isch...abr das do isch fuer kinder gsii und me isch ca 2 min dinne...abr ich ha so umegschraue wills so usgseh het wie imene horrorfilm und die hend mich denn au so packt und ich ha mi nume a minere mom festghalte...xD abr negst wuche goemmer zu de richtige haunted houses und die sind wuerkli scarry und doert blibt me denn e stund odr so dinne und ich verschrick doch immer soo schnell^^

Huet am morge bin i ind kirche und sisch dr hammer gsii...zerscht hemer sone worship kha nume fuer die jugendliche und so diskusionsrundii..und denn simmer i die anderii kirche und doert sind denn alli zaeme gsii und sisch mega spannend gsii und sisch voll abgange also s het sich wuerkli glohnt am sunntig morge ufzstoh^^ im ganze simmer 4 stunde doert gsii abr sisch mir so vor cho als wers viellicht e stund gsii...und doert hets au mega viel neui luet kha won i kenne glernt ha und soo sisch also wuerkli mega cool gsii...=)

 ahh joo do gits sone ding wo meh cha sms schribe und si beantworte alli froge...dass isch mega praktisch will ich jetzt nuem muess entscheide xD haha also ebbe mir si denn im subway gsii und ich ha dene es sms gschribe welles sandwich ich soell neh haha sisch eifach mega luschtig mit dem ding...und vorallem ich muess nuem entscheide isch doch perfekt

1 Kommentar 26.10.08 22:08, kommentieren

awesome weekend^^

okay this weekend was awesome!!

 Also mir si ufere pumpkin farm gsii und doert hets riise pumpkins khaa...und doert hemer denn es paar usgwaehlt womer in es paar wuche duend dekoriere...am nomitag simmer ans yfu treffe gange won i meh ustuschschueler kenne glernt ha...mit dene bini denn am mittwuch go shoppe und es isch alles billiger gsii und mir sind mit meega vielne taesche useglofe und s het usgseh als hette mir mega viel geld..^^

Am fritig hemer nume dr halb tag schuel kha dorum simer am 11 ins kino gange wo 10 min vo dr schuel entfernt isch ( es wunder mir sii mol glofe was do seeehr selte isch)...mir hend denn Nick&norah s playlist gluegt...und mir isch alles zahlt worde will die meiste jugendliche do goend go schaffe und si hei gfunde ich als ustuschschueler han sowieso kei geld=)
noch em film simmer zum einte typ hei und hend doert nomol e film gluegt..und ich ha es paar neui lieder uf dr gitarre glernt will die e band heii und die sind dr hammer und die hend mir denn ebe paar sache zeigt... nochherd simmer denn zu subways und ich ha eigentlich nid welle goo will me doert soo viel entscheide muess welles brot meh will und so wiiter...abr ich ha hilf kha vom einte typ wo au probiert het alles uf duetsch z uebersetze^^

spoeter am obe simmer ans footballgame...mini klei sister het doert mit de cheerleader mit cheert...will si die wuche sone kidscamp kha heii...das isch mega herzig gsii will eifach alli kleine kinder irgendwie umeghopst sind haha...
irgendwie simmer denn uf kickboxe cho und dr einti typ het denn gseit das er kampfsport macht und hanen denn gfrogt oeb er mir paar selbstverteidigungssache cha zeige...ich ha denn alles amene kolleg vo mir usprobiert und irgendwenn hemer muesse ufhoere will dr polizischt immer so boes uebere gluegt het...^^
haha ah joo mir sind dr polizischt denn go froge oeb er viel doughnut ist will me das i de film immer seht...er hets denn als kompliment ufgno und hets gseit das es mega eifach isch zum polizischt z werde doo dorum doerf me au so viel suesses esse...

 Am samschtig bin i nomol ind mall will de typ vergesse het s metall ding vo mine hose z neh...und will i grad doert gsii bi han i e neus jaggli kauft und soo boots...haha seht mega witzig us abr das isch d mode doo^^ aahh joo ich ha endlich bruuni schueh gfunde und graui stiefel!!! abr ha se nid kauft xD isch z duer gsii lol
naja mir sind denn no go volleyball spiele duse wills e mega schoene warme dag gsii isch und me wieder mit churze hose het choenne umelaufe...bii denn voll mit sand heii cho und bi denn go dusche und zobe hemer wieder mol movie night kha...wie jede samschtig...-.-

Am sunntig han i eigentlich wieder mol id kirche welle abr ich bi eifach z mued gsii ha nid choenne ufstoh...abr am nomitag denn bini zum kolleg und mir hend usegfunde das de 7 minute vo mim huus wohnt...was meega toll isch will ich suscht niemer kenn do in dr gegend...naja bii ihm hemer indiana jones gluegt und hend guitar hero gspielt was doo au mega bekannt isch und ich langsam auu guet wird...haha naja si hend mir verbote wasser z trinke will si gfunde heii meh soett soda trinke...
spoeter isch sini mom cho und het gfunde mir muend unbedingt zu walmart will das typisch isch fuer amerika und ich no nie doert gsii bii...dorum simer doert ahne gfahre und shet eifach alles doert vo spielsache zu lebensmittel und suscht ebbe alles moegliche...ich ha denn doerfe d glace sorte uswehle und ich cha mi jo in dr schwiiz scho nid entscheide und do hets tuusig mol meh uswahl...haha

Huet goemer no go mini golf spiele...und am wuchenend hemer denn e girls obe und do hets so haunted houses wo so geisterhuuser sind und me blibt ca 1 stund doert inne und sisch schiins meega gruselig...und sgit eis wo au so echti schlange und so dinne sind abr das find i krank will me jo im dunkle nid viel seht und wenn denn ploetzlich sone schlange vor eim isch odr soo...omg...haha joo abr si hend gseit ich muess au mol goo wills das bi uns jo nid giit...

diie wuche hemer nume am mentig und zischtig richtig schuel und am mittwuch und donnstig hemmer nume bis am halb 11 schuel und am fritig hemer ganz freii...isch zimli gemuetlich die wuche...ha au e gratis pulli becho vo dr schuel und si hend d sache bstellt fuer graduation...und denn han i denkt es goht nume no 8 moenet und denn bin i scho wieder zrugg!! d ziit vergoht mega schnell...also jo fuer mich jedefalls...

 haha ah jo jetzt isch mir grad no igfalle bi am mittwuch ans basketball meeting abr ich glaub ich fang nid avo spiele...die andere "meitli" sind riiiisig...ich ha angst vor dene die sehn so richtig agressiv us und ich bi mega klei im gegesatz zuu dene haha abr jo mol luege sisch au mega dumm will me d usrueschtig vorher kaufe muess bevor me ueberhaupt weiss ob me im team isch...

aah jo muend nit iversuechtig sii will desperate housewives folge sind die gliche wie in dr schwiiz nume d greys anatomy sind neuer bi uns^^  hmm suscht gits glaub nuet neus...vermiss euch natuerlii allii mega fest und meldet euch wenn dr ziit heit freuu mi immer wieder ueber nochrichte odr e-mails

1 Kommentar 21.10.08 00:40, kommentieren

some news from here...;)

also de samschtig bin i am homecoming gsii aber an dr andere schuel und sisch viel toellter gsii als bim letschte mol...
vorallem isch d musik viel besser gsii...
i ha e halb stund bevor s agfange het entschiede das i ueberhaupt gang^^ naja bi denn uf d idee cho  ich choennt eignetlich mini hoor locke und das het denn ca e stund brucht und jo wie immer bin i e bitzli z spot choo =P

aah joo letscht wuche han i no e gitarre kauft, die isch mega toll und mini schwestere hend mega freud wenn i spiel und sing haha endlich mol es publikum wo mir au zuelost...
und egal wie schlecht i spiel si findes immer super und verzelle das au immer grad allne...^^

mir hend jetzt alli es neus hobby gfunde immer wenn fernsehpause isch spiele mir fuessball mit de chuessi was dr hund abr nid gern het...
ah jo dr hund isch mega luschtig er weiss genauu das er nid i mis zimmer doerf und er chunnt nume mega selte...und gestert isch er use grennt woni hei cho bi und das doerf er nid...han en denn uf duetsch agschraue und denn isch er mega haessig worde xD haha ich glaub ich kauf mir au mol sone hund...

am sunntig simmer zunere kollegin vo minere gastmuetter go kuerbis amole und suscht halloween sache mache^^
do isch scho alles mega dekoriert und soo mit geister und so sache obwohl das jo erst endi monet isch abr sisch alles mega herzig...
ahh jo mir hend sone schuessle wo gutzii dine gsii si und wenn me oepis usenimmt hets sone hand wo abe chunnt und ich ha das doch nid gwuesst uuii bin ich do verschrocke...ah jo mir hei au es buech wo redet das isch soo unnoetig abr soo herzig xD

am zischtig han i die kleine kinder muesse unterrichte...was zimli schwer gsii isch will die nid verstoend das ich nid vo do bii...naja jedefalls hend si die ganz ziit immer gredet und so..und es paar sind mega nervig abr die meiste sind mega suess...morn bring i ihne denn duetsch bii und viellicht es liedli mol luege^^

huet simmer ans language festival an dr uni...sisch meega toll gsii!! die uni isch dr hammer...dr campus isch riiesig und inne hets e starbucks und e eigene lade mit kleider und so...und sisch alles mega schoen gsii und soo...
ha dr ganz tag eigentlich duetsch choenne rede will doert mega viel lehrer gsii sind wo duetsch unterrichte...ha denn au am gedicht wettbewerb welle mitmache abr das hend si nid welle will ich jo scho duetsch cha...-.-
abr sisch glich e meega tolle tag gsii und mir hend bi allne wettbewerb gwunne mir hend es spiel gmacht ueber frankrich und sind so froge gsii ueber s land und so...mini gruppe het mega viel gwuesst ueber politik und soo und ich ha kei ahnig kha abr wo denn cho isch mit wem dr president zemme isch hend sis natuerlich nid gwuesst das isch jo wohl s eifachste gsii haha abr ich has gwuesst!! *stolz uf mich sii* ha abr leider nid mitgspielt...abr mir hend glich gwunne...

huet goemmer viellicht no e film go luege odr so has nid ganz verstande jedefalls oebis mit comic...haha

hmm was chan i suscht no verzelle...wuesst grad nuet...ahh doch ich cha dr neui film uslehne vo humar& kumar odr wie die au immer heisse jedefalls de film mit em white castle...xD ich ha nid gwuesst das es e 2te film git^^

aaalso wuensch allne schoenii ferie wo grad ferie hend!!-.-

lg manuu

8.10.08 23:40, kommentieren

homecoming

hmm also...die Wuche hemer ebbe Monopoly spirit week kha...und am fritig hemer early release kha d.h. mir hei scho am halb 11 us kha und jedi stund isch nume 20 min lang gsii...also simmer immer eifach nume i de stunde umegsesse und hend nuet gmacht...am 9nii hemer denn ind turnhalle muesse zum assembley und doert spielt denn immer d band und d cheerleader zeige ihre tanz usw. es git au sones schuellied wo sii immer singe und ich ha erst jetzt gmerkt das dr text an der wand gross a gschribe isch^^

Ah jo letscht wuche bin i no go shoppe mit 2ne und sisch no e typ drbii gsii...sisch mega luschtig gsii will er mir tipps geh het was fuer es kleid ich soell kaufe und soo.
Ich ha denn es schwarzes kleid kauft wo zimli billig gsii isch also jo im gegesatz zu de andere ( die normale sind zwuesche 150 und 250 dollar) und ha mini erste high heels kauft die sind au recht billig gsii...
Mir hend denn im express panda z nacht gesse und sind denn um die halb 10ni dahei gsii..das isch au mega toll will d shopping centers immer mega lang offe hei...

Am samschtig morge han i fotoshooting kha fuer d senior pictures und das studio het so viel verschiedeni hintergruend kha isch soo kuul gsii...und bi mim akleideruum isch mi name gstande und inne hets e spiegel kha mit liechter und soo...me het sich grad wie e superstar gfuehlt^^
nach es paar stunde simmer denn endlich fertig gsii und denn isch dr negst typ cho zum pics mache und er het mich denn grad erkennt und gfrogt oeb ich nid die neu ustuschschuelerin bii usw. irgendwie kenne mich mega viel do abr ich ha kei ahnig wer si sind au i dr schuel schreie es paar durch dr ganz hallway mi name und ich ha kei ahnig wers isch..

Joo und am samschtig obe hemer denn Homecoming kha...eigetnlich hemer am 8tii abgmacht kha bi dr schuel abr im fernseh isch grad e neui sendig glofe und ich ha denkt mir laenge 20 min zum mich parat mache irgendwenn isch halt 20 vor 8tii gsii und ich ha no 10 minute ziit kha zum mich schminke usw...won i denn endlich fertig gsii bii het mini familie unbedingt no welle foetelii mache, won i denn endlich i dr schuel gsii bi ischs scho zimli spot gsii und die andere hend mega lang muesse warte haha was wieder moll typisch gsii...
mir sii denn d taesche und so go abgeh und es sind alli mit high heels cho, abr es ziehn se denn alli ab..tanze denn barfuess und hole se am endi vom tanz wieder ab=)


dr Tanz selber isch nid wuerkli soo dr hammer gsii und dr tanzstyle vo dene isch zimli anderst als unsere abr sisch recht luschtig gsii dene zuezluege und sisch mega toll gsii...will alli so mega schoeni kleider akha hend und so...
am 11ii simmer denn mol gange will nuem viel los gsii isch und hend denn zum starbucks welle was abr uf dr andere strossesite gsii isch...mir si denn eifach ueber d stross grennt und mit de high heels isch das nid wuerkli eifach gsii und uf dere stross hets anderst viel autos...abr mir hend ueberlebt abr s het so zimli alles zue kha und denn simmer vor sones komischs fast food restaurant ghockt, hend abr nuet welle esse wills meega fettig usgseh het-.-
Mir hend denn no e typ vom franz atroffe mit sim date und hends denn zimli witzig gha...irgendwenn ischs denn zimli kalt worde nume i dem kleidli dorum simmer denn so um die 1 mol heii gange...

Am sunntig simmer eifach dr ganz tag drhei gsii und hend film gluegt und ich soett eigentlich no lerne ha morn 2 tests...
also wuensch euch e schoenii wuche...

29.9.08 00:48, kommentieren

27.9.08 20:09, kommentieren

spirit week...

ha s letscht mol vergesse z schribe das mir die wuche jede tag es anders thema heii...

also am mentig hend alli wo hei welle im pijama ind schuel doerfe goo isch mega witzig gsii eifach alli mit plueschtierli odr im schlofazug...xD

am zischtig hend alli muesse entweder orange odr schwarz-wiis gstreift choo also so wie im gfaengnis...

am mittwuch hend alli stufe e anderii farb muesse alege also alli seniors hend gelb a kha...softmores pink...usw..

isch no luschtig will es paar wuerkli mega guet verkleidet choemme...und dr beschtii gwuennt e gratis iitritt fuer an homecoming abr doo ich sowieso gratis cha goo muess ich mich jo nid verkleide^^

1 Kommentar 24.9.08 23:03, kommentieren



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung